Nan yon nòt depatman jistis ameriken mete deyò, 19 fevriye 2026 la, yo anonse yo depoze yon demann pou retire sitwayènte amerikèn ansyen Majistra vil North Miami an, Philippe Bien-Aimé, paske l te komèt fwod nan maryaj, ak fwod idantite.
Depatman jistis di Ayisyen dorijin sa te rantre Etazini ilegalman, avèk yon paspò ki te gen non « Jean Philippe Janvier ». Aprè yo fin bal òd depòtasyon an 2001, Lajistis amerikèn di ansyen majistra a fè pòz li ale Ayiti, poutan li te toujou Etazini.
Nan yon plent sivil 13 paj otorite yo depoze, 16 fevriye pase a, yo di akize a pral vin chanje non li an « Philippe Bien-Aimé », avèk yon nouvèl dat nesans. Depatman jistis rapòte, Philippe pral marye ak yon sitwayen ameriken pou l te ka gen rezidans. Nan plent lan yo di akize a te fè fwod, paske l te deja marye ak yon lòt fanm Ayisyèn.
Ayisyen dorijin sa a te vin natiralize an 2006, e se jis aprè 20 lane anketè federal DHS/USCIS yo vin dekouvri tout fwod sa yo, epi fè demann pou revoke nasyonalite li.
Sous/Fox News, NBC6 Miami
