Se Minis espò peyi Iran an ki anonse nouvèl la, mèkredi 11 mas 2026 la. Daprè sa Ahmad Donyamali di, gouvènman Iranyen an pran desizyon pa patisipe nan mondyal 2026 la ankò, akoz frap ayeryèn peyi Etazini ak Izrayèl ap lage sou peyi yo.
« Kòm gouvènman kowonpi sa a asasinen dirijan nou, pa gen okenn kondisyon ki pèmèt nou patisipe nan mondyal la », se deklarasyon Minis Donyamali, kap fè referans a Ayatollah Ali Khamenei. Iran anonse nouvèl sa a, aprè Prezidan ameriken an Donald Trump te fin di FIFA li pa gen okenn pwoblèm pou Iranyen yo vin patisipe nan mondyal la Etazini.
Nap raple, peyi Iran twouve li nan gwoup G, avèk Bèljik, Nouvèl-Zelann epi Ejip. Iranyen yo te gen pou jwe nan mondyal pandan mwa jen an. 2 premye match li yo te pwogram pou jwe nan Los Angeles fas ak ekip Nouvèl-Zelann epi Bèljik, epi dènye match la tap fèt nan Seattle, fas a peyi Ejip.
Sous/USA Today, Reuters, ESPN.-
