Nan yon piblikasyon Prezidan ameriken an fè sou kont medya sosyal pèsonèl li “Thruth Social”, kèd èd tan aprè yo fin mete ansanm ak Izrayèl pou frape Iran, li menase pou frape pi fò, si responsab Iranyen yo riposte.
Donald Trump voye yon mizangad bay Iran, ki continue ap voye misil nan divès peyi nan reyon “Mwayen-Oryan”, kote ki gen baz militè ameriken.
“Iran deklare yo pral frape trè fò jodi a. Pi fò ke avan. Li tap pi bon si l pa fè sa. Paske si se konsa yo fèl, nap frape yo avèk yon fòs yo pat janm wè avan”, se sa Chèf Lamezon Blanch lan ekri.
Prezidan Trump fè deklarasyon sa yo, nan moman Iran kontinye ap riposte, aprè lanmò lidè siprèm peyi a, Ayatollah Ali Khamenei, 28 fevriye 2026 la.
Sous/Associated Press.-
