Nan yon avi ekip CHOKARELLA mete deyò, aswè vandredi 27 fevriye 2026 la, yo di yo gen plezi anonse piblik la, “Carel Pèdre First pa nan men ICE ankò. Li rejwenn fanmi li”.
« Nou swete presize tou, dosye penal ki gen pou wé ak dosye sa a, te trete nan vwa legal apwopriye, e Eta a pa deside pouswiv pwosedi yo », se sa ekip la di nan avi ki pibliye a.
Pandan yap remèsye tout kominote a pou pasyans ak soutyen yo te bay konsène a pandan peryòd la, CHOKARELLA di etap sa a raple yo enpòtans pou kite pwosedi legal yo swiv wout yo, yon fason ki kalm epi responsab.
Nan avi ofisyèl sa a, ekip la mande pou piblik la respekte totalman lavi prive jounalis kiltirèl la, pandan lap rapousib ak demach yo nan vwa ki apwopriye.
Sous/CHOKARELLA.-
