Pandan rankont bilateral sa a, 2 ofisyèl yo te pale sou sa ki gen pou wè a pak pou refonde estabilite nasyonal ak garanti eleksyon kredib an Ayiti.
Daprè yon kominike Primature de la République d’Haïti mete deyò, yo fè konnen Sekretè Deta Ameriken an salye gwo avanse politik sa a, e rekonèt li enpòtan pou konsakre inite ant fòs politik yo ak aktè nan sosyete sivil la, aou yon ajanda tout moun dakò pou yon tranzisyon demokratik.
Marco Rubio ak Alix Didier Fils-Aimé te bay yon atansyon priyoritè tou a sitiyasyon sekirite a an Ayiti. Sete okazyon pou PM nan te ekspoze tout mezi gouvènman Ayisyen an deja pran pou restore otorite leta, epi demantle rezo kriminèl yo kap twouble lapè piblik.
Biwo kominikasyon Primati di, Sekretè Deta a plede anfavè yon ranfòsman kooperasyon bilateral, nan lide pou ogmante kapasite operasyonèl fòs nasyonal yo, epi konsolide mekanis koòdinasyon rejyonal ak entènasyonal yo.
Primati fè konnen, echanj sa yo enskri nan yon dinamik kooperasyon franch, avèk respè, epi oryante nan sans rezilta konkrè, pou yon sèl objektif : « retabli establlite enstitisyonèl dirab, ranfòse sekirite piblik epi kreye kondisyon pou eleksyon nan peyi a ».
Sous/Primature Haiti.-
