Aksyon sa pase nan zòn West Bloomfield, rejyon Oakland, Michigan, vè 1:00 nan aprèmidi, jedi 12 mas 2026 la. Se yon gason ki tap kondui yon machin, ki atake Tanp Izrayèl sa a, kote li fonse machin nan sou pòt rantre prensipal batiman an. Ajan sekirite batiman an tire sou machin nan, ki ta pral eksploze aprè. Sispèk la mouri, se sa otorite yo rapòte.
Lapolis ki di endividi a te gen zam nan men l, fè konnen aksyon an sanble yon tantativ atak pou l te tire sou espas la. Biwo polis nan zòn nan eksplike, yo te tande bri katouch nan rejyon an, e yo te mande rezidan yo nan zòn nan pou mete yo alabri.
Ofisyèl yo di pa gen moun anndan tanp lan ki mouri, men gen yon ajan sekirite ki soti blese. “Tout timoun ki te anndan espas la deja evakye”, se sa Lapolis presize.
Pou kounya, responsab yo di yap chache konnen idantite endividi a, epi kisa ki ta motive li poze aksyon sa a.
Daprè medya ameriken yo, tanp sa se pi gwo sinagòg refòme Ozetazini. Selon sa otorite yo fè konnen, sant kominotè jwif sa a se kote paran elèv yo vin rankontre pitit yo nan tanp Izrayèl la.
Sous/CBS News, Associated Press.-
