Se te yon piblikasyon anpil entènòt pat renmen. Malgre admirasyon yo pou atis la, sa pat anpeche yo kritike entèvansyon sa ki, selon yo menm, pat gen plas li nan yon moman drapo peyi a tap flote nan yon evènman mondyal tankou « Super Bowl ».
« Drapo Ayiti parèt nan Sipèbòl, sal chanje…? », yon kòmantè Kenny Haiti te oblije efase, epi mande padon aprè. « Avan nou mete pou mwen, m wete l papa. Padon souple. Viv Ayiti nan Sipèbòl », se sa atis la ekri aprè.
Nan yon lòt piblikasyon, Kenny montre li pat vrèman konnen si pèfòmans Bad Bunny an te gen rapò ak tout imigran. « Se te yon statement pou tout imigran ! Oh ok. Sorry ! », se konsa atis la konkli dènye pòs li sou dosye a. Sak pase atis la se yon egzanp anplis ki montre kòman pawòl yon pèsonalite piblik ka kreye konfizyon, movèz entèpretasyon oubyen pwovoke fristrasyon.
