Aprè yon bon ti tan san okenn vòl depòtasyon sou Ayiti, gouvènman ameriken an rekòmanse voye Ayisyen tounen nan peyi yo. Jedi 5 fevriye a, yon total 132 migran Ayisyen depòte nan ayewopò Okap.
“Pami moun sa yo, gen plizyè ki te rantre Etazini nan kad pwogram Biden nan, men tout kèk lòt ki te sou TPS”, se sa Kerlande Desauguste, responsab rejyonal Ofis Nasyonal Migrasyon an deklare nan mikwo Gerard Maxineau pou Media Max, nan vil Kap Ayisyen.
Biwo ONM nan fè konnen, chak rapatriye resevwa 5,000 goud kòm èd transpò, dlo, bwason ak yon sandwich. Menm jou a tou, otorite Bahamas yo te depòte yo menm tou, 41 lòt konpatriyòt Ayisyen.
Sous/Foto : Gérard Maxineau (Media Max)
