Nouvo Responsab Depatman Sekirite Enteryè nome a temwanye devan komisyon sekirite enteryè Sena ameriken an, kèk jou aprè administrasyon Trump lan fin nome li nan plas Kristi Noem. Devan palmantè yo, Markwayne Mullin pwomèt yon pi bon apwòch nan koze aplikasyon lalwa sou imigrasyon.
Parapò a tout kritik ki genyen sou fason ajan ICE ap aji sou teren an, M. Mullin di, li klèman pale a tout pèsonèl nan DHS, pou avèti yo, yo paka rantre lakay moun si yo pa gen manda jidisyè nan men yo. Nouvo responsab Depatman Sekirite Enteryè nome a fè konnen, yon sèl fason ajan ka rantre kay yon moun, se si yo gen yon moun yap pouswiv aktivman, e moun sa ta twouve l anndan kay sa.
Senatè yo te poze Markwayne Mullin anpil kesyon pandan seyans temwanyaj sa a. Echanj yo te trè chofe pafwa. Seyans sa a se te okazyon tou pou nouvo chèf DHS la reyaji sou lanmò Alex Pretti, e eksprime regrè li parapò a jan li te pale aprè aksyon an. Sepandan, li di li pap prezante eskiz, toutotan ankèt la pa fini.
Nap presize, komisyon sekirite enteryè Sena a prevwa fè vòt sou nominasyon M. Mullin nan, jedi kap vini la. Aprè sa, tout Sena a ap gen pou vote.
Sous/BBC, NBC News.-
