Jan sa te anonse, Darline Desca fè gran retou li sou sèn. Samdi 14 fevriye 2026 la, jou fèt Sen-Valanten atis la lanse « Pandora Escapades Tour », pou di li retounen ofisyèlman. Anmoure ak anmourez yo te gen randevou aswè a pou premye espektak DD, nan « Electric Lady Wynwood », Miami Florida ki nan : 144 NW 23rd St, Miami, FL 33127.
« Pandan yon ti moman, sèn nan ak mwen te pran ti distans. Mwen te fè yon retrè, pou m te paret tèt mwen pou yon nouvèl vèsyon de mwen menm. Nan moman sa yo mwen grandi, mwen kreye, mwen evolye, e mwen wè anpil bagay yon lòt jan », se sa atis la te deklare nan yon videyo.
Aprè Miami, Darline Desca ap gen pou pèfòme West Palm Beach (25 Avril), Orlando (16 Me), epi Fort Lauderdale (4 Jiyè).
