Daprè sa plizyè sous rapòte bay MS NOW, administrasyon Trump lan gen je li louvri byen gran sou Ohio, kòm pwochen sib yo. Laura Barrón-López ki se jounalis repòte nan Lamezon Blanch pou medya sa a fè konnen, operasyon an ki ta dwe kòmanse apati semèn kap vini la, prevwa touche kominote Ayisyèn nan ki nan Springfield.
Operasyon sa ap planifye, a kèk jou de dat ekspirasyon estati TPS la, ki te pèmèt a plis pase 300,000 migran Ayisyen rete viv legalman Etazini. Medya a di jiskaprezan yo pa konnen klèman konbyen ajan federal ki pral mobilize sou teren an.
Men tou, yo pa okouran de kijan operasyon an pral fèt. Nap raple, zòn Springfield, Ohio genyen ant 12,000 a 15,000 Ayisyen kap viv ladann, daprè estimasyon yo.
Depi lè Donald Trump pran pouvwa a, li menm ak Vis-prezidan an J.D Vance te toujou sible kominote Ayisyèn nan, yo te akize kòmkwa yap manje chyen ak chat rezidan yo | LSV
Sous/MS Now News – https://www.instagram.com/reels/DUKNeuIjLfK/
Foto/Reuters
